Poemas em Ladino
Una kara linda, kon mirada inosente
Una avla kalma su sonrisa diferente,
Kon kaminada de pasharo, boz no se siente.
Kaveyos sedozos fin la taya estirados
Eran kon una brosh i kon flores dekorados.
Me bazava a la kozas ke mi ojo viya,
En su enterior komo era?yo no saviya.
Deseava ver sus ermosuras envisibles
Konoser sus sentimientos si eran sansibles.
La modestiya vera esta en la konsensya,
Si tiene desdenyo d'el prove,d'el manko de sensya
Si su korason ve al k'esta en desolasyon
Si les da una mano yena de konsolasyon.
En vista amare kon mi alma su luzyura,
L'adorare kon sus aktos i su ermosura.
Haim Vitali Sadacca
La Memoria
Una mano de hesito espando a la memoria
atando en ella siete caballos feridos
saltando entre luz y tiniebla,
El tiempo
es una eluenga cortada,
enfrente de mi
se debate y desparece.
La memoria se espande,
deviene velas palpando,
yo me encolgo en ellas
entregandome a la direccion
del corriente foturo.
Supito
las linias del aver se vaciaron del oxigeno.
Mi puerpo viene acudir,
va teshendo una resha
por mantener a la memoria
en el momento de la caida.
Margalit Matitiahu
Konosi Una Ermosa
Era de edad de diziocho a los vente,
Una kara linda, kon mirada inosente
Una avla kalma su sonrisa diferente,
Kon kaminada de pasharo, boz no se siente.
Kaveyos sedozos fin la taya estirados
Eran kon una brosh i kon flores dekorados.
Me bazava a la kozas ke mi ojo viya,
En su enterior komo era?yo no saviya.
Deseava ver sus ermosuras envisibles
Konoser sus sentimientos si eran sansibles.
La modestiya vera esta en la konsensya,
Si tiene desdenyo d'el prove,d'el manko de sensya
Si su korason ve al k'esta en desolasyon
Si les da una mano yena de konsolasyon.
En vista amare kon mi alma su luzyura,
L'adorare kon sus aktos i su ermosura.
Haim Vitali Sadacca
